“İndiyədək Əsir və itkin düşmüş, girov götürülmüş vətəndaşlarla əlaqədar Dövlət Komissiyasında 3 868 itkin düşmüş, 1 437 nəfər isə əsir və girovluqdan azad olmuş şəxs qeydiyyata alınıb”
“Report” xəbər verir ki, bunu Əsir və itkin düşmüş, girov götürülmüş vətəndaşlarla əlaqədar Dövlət Komissiyasının əməkdaşı Nailə Dadaşova Dövlət Komissiyasının Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) resurslarından biri olan “1905.az” portalının birgə təşkil etdiyi “Diskussiya klubu”nda “Qaradağlıdan Xocalıya” mövzusunun müzakirəsi zamanı deyib.
Onun sözlərinə görə, itkin düşmüş şəxslərin 3 123 nəfəri hərbçi, 745 nəfəri mülki şəxslərdir: “Mülki şəxslərin 62 nəfərini uşaqlar (42 nəfər oğlan, 20 nəfər qız), 262 nəfərini qadınlar, 302 nəfərini qocalar (150 nəfər kişi, 152 nəfər qadın) təşkil edir. Əsir və girov götürülməsi barədə məlumat daxil olmuş 873 şəxsin isə 591 nəfəri hərbçilər, 282 nəfəri mülki vətəndaşlardır. Mülki vətəndaşların 29 nəfəri uşaq (22 nəfər oğlan, 7 nəfər qız), 99 nəfəri qadın, 112 nəfəri qocalardır (49 nəfər kişi, 63 nəfər qadın) “.
N.Dadaşova bildirib ki, ötən dövr ərzində 1 437 nəfər əsir və girovluqdan azad olunub: “Onlardan 351-i hərbçilər, 1086 nəfəri isə mülki vətəndaşlardır. Mülki vətəndaşların 210 nəfərini uşaqlar (136 nəfər oğlan, 74 nəfər qız), 342 nəfərini qadınlar, 285 nəfərini qocalar (177 nəfər kişi, 108 nəfər qadın) təşkil edib. Bundan əlavə, Beynəlxalq Qızıl Xaş Komitəsinin qeydiyyatından keçən itkin şəxslər isə Azərbaycan tərəfindən 3773 nəfər, erməni tərəfindən 780 nəfərdir”.
pia.az