Gülüş ömrü uzadır deyirlər, İsmayıllıda isə gülüş 5 uşaq anasının həyatı bahasına başa gəlib
İsmayıllı rayon Prokurorluğundan verilən məlumata əsasən, hadisə sentyabrın 24-ü axşam saat 8 radələrində rayonun Girki kəndində qeydə alınıb.
Kənd sakini Qarayev Şöhrət Qarayeviç həmkəndlisinin ad günündə içib. Evə qayıdarkən həyat yoldaşı ilə mübahisə edib. Mübahisə daha sonra davaya çevrilib.
Şöhrət arvadını bir neçə gün öncə qonşuluqdakı kişiyə baxıb güldüyünü əsas gətirərək, əməlli-başlı döyüb. Müxtəlif dərəcəli xəsarətlər alan Vəliyeva Hilalxan Əlçin qızı xəstəxanaya yerləşdirilib.
Zərbələrin çoxunu baş nayihəsindən alan gəlinin həyatını xilas etmək üçün həkimlər səy göstərsə də, bu mümkün olmayıb. O, vəfat edib.
Xatrladaq ki, cütlüyün 5 övladı var. Ən kiçik uşaqları 20 gün öncə dünyaya gəlib.
Faktla bağlı araşdırma aparılır.(kanal S)