"Azərbaycanda işsizlərə müavinətlərin verilməsi fondu ayrıca, öz vəsaitlərinə malik sistem halında fəaliyyət göstərəcək"
PİA.AZ modern.az-a istinadən bildirir ki, bunu əmək və əhalinin sosial müdafiəsi naziri Səlim Müslümov jurnalistlərə açıqlamasında deyib.
Nazir qeyd edib ki, hazırda Prezident İlham Əliyev tərəfindən "İşsizlikdən sığorta haqqında" qanun layihəsi Milli Məclisə təqdim olunub.
"Əmək və sosial məsələlər komitəsində bu ilkin müzakirədən keçirilib. Həmin qanun layihəsindəki müvafiq iddiaya görə əmək haqqı fondunun bir faizi qədər işsizlikdən sığorta üçün vəsait ödəniləcək. Bunun yarısını işəgötürənlər, yarısını isə işçilər ödəyəcək. Buradan formalaşacaq vəsaitlər hesabına həm işsizlik müavinəti, həm də özünüməşğulluq proqramları maliyyələşəcək. Həm də digər aktiv məşğulluq tədbirləri maliyyələşəcək. Bu tam ayrıca, öz vəsaitlərinə malik sistem halında fəaliyyət göstərəcək".
pia.az
Digərxəbərlər
Populyar xəbərlər
