-1714041998.jpg&h=280&w=360&sc=1&q=100)
-1714033690.jpg&h=280&w=360&sc=1&q=100)
Bu gün İraqın hökumət qüvvələri Mosulun İŞİD-in nəzarətində olan qərb rayonları istiqamətində hücuma keçib
Azərtac xarici KİV-lərə istinadla xəbər verir ki, general-leytenant Sami əl-Arici hərbçilərin Mosulun cənub-qərbində hərbi bazanı və kəndlərdən birini tutaraq şəhərin qərbində yaşayış məhəllələrinə daxil olduğunu bildirib.
Bir qədər əvvəl isə İraq ordusunun Mosul hava limanı üzərində nəzarəti tam olaraq ələ keçirdiyi barədə məlumat verilib.
Şəhərin qərb hissəsinin İŞİD-dən azad edilməsi istiqamətində əməliyyatlar ötən həftə başlayıb. Hərbi kampaniyanın ilk mərhələsində İraq ordusunun 9-cu zirehli tank diviziyası, Daxili İşlər Nazirliyinin çevik reaksiya bölmələri və şiələrin “əl-Haşid əş-Şəəbi” qruplaşmasının silahlıları iştirak edir.
Hökumət qüvvələrinin və ABŞ-ın başçılıq etdiyi koalisiya aviasiyasının iştirakı ilə 2016-cı ilin oktyabr ayında başlayan əməliyyatların gedişində Mosulun şərq hissəsi bütünlüklə İraq ordusunun nəzarətinə keçib.
BMT-nin humanitar məsələlərin koordinasiyası idarəsinin İraq ofisi əməliyyatlar səbəbindən 217 mindən çox insanın öz evlərini tərk etmək məcburiyyətində qaldığını bildirib.
pia.az
Digərxəbərlər
Populyar xəbərlər
