İqtisadiyyat üzrə Nobel mükfatının 2017-ci il üzrə qalibinin adı açıqlanıb
Virtualaz.org-un məlumatına görə, İsveç Kral Akademiyasının Nobel Komitəsinin qərarı ilə mükafat ABŞ-ın Çikaqo Universitetinin alimi Riçard Talerə veriləcək.
O, “Davranış iqtisadiyyatının əsasları" kitabının müəllifidir və Nobel mükfatına bu sahədəki araşdırmalarına görə layiq görülüb.
Xatırladaq ki, Tibb və fiziologiya sahəsində Nobel mükafatı Cefferi Holl, Maykl Rosbaş və Maykl Yanqa verilib. Onların üçü də ABŞ-da anadan olub və yerli universitetlərdə işləyir. Alimlər insan orqanizmində “molekulyar saat mexanizminin dövriyyəsi"ni kəşf ediblər.
Digər ABŞ alimləri - Rayner Vays, Barri Bariş və Kip Torn isə fizika sahəsi üzrə Nobel mükafatına layiq görülüblər. Bu alimlər kosmik mənşəli qravitasiya dalğasını müəyyən ediblər.
Mükafatların təqdimat mərasimi dekabrın 10-da İsveçin paytaxtı Stokholmda keçiriləcək. Cari il laureatlara 9 milyon İsveç kronu (1,12 milyon dollar) veriləcək. 2001-ci ildən Nobel fondu ilk dəfə laureatlara verəcəyi mükafatı 12,5 faiz artırıb. Əvvəllər qaliblərə 8 milyon kron, yaxud 931 min dollar pul mükafatı verilirdi.
pia.az