Cənubi Afrikada insan əti yeyən 4 nəfər həbs edilib
"Qaynarinfo" xarici mediaya istinadən xəbər verir ki, həbs edilənlər 22-32 yaş aralığındadır. Cinayətkarlardan biri insan əti yeməkdən bezdiyini deyərək polisə təslim olub.
İfadəsi alınan şübhəli polisə bir əl və bir ayaq göstərib. Daha sonra Durban bölgəsində yaşayan bu şəxsin evində çox sayda insan hissəsi aşkar edilib. Bu şəxslərin böyük şəbəkə üzvü olması istisna edilmir.
Araşdırmanı genişləndirən polis yaxınları itən şəxsləri prosesə daxil edib və insan hissələri bir nəfərə aid olub-olmaması üçün tibbi ekspertizaya göndərilib.
Qeyd edək ki, bu ərazidə 1 ay əvvəl bel çantasında insan başı tapılmışdı.
pia.az