Bu gün Bakıda Milli Gimnastika Arenasında qadın və kişi idman gimnastikası üzrə Azərbaycan çempionatı və Bakı birinciliyi, eləcə də akrobatika gimnastikası üzrə Azərbaycan çempionatına start verilib
Gimnastika növləri üzrə təşkil olunacaq birgə yarışlarda bu dəfə akrobatlar və idman gimnastları bir araya gələcəklər.
2 gün davam edəcək turnirdə ümumilikdə 150-dən çox idmançı çempion adı uğrunda mübarizə aparacaq. Onlar Bakı Gimnastika Məktəbi, "Ocaq Sport" Klubu, Respublika Olimpiya İdman Liseyi və Sumqayıt şəhərini təmsil edirlər.
Turnirin birinci günü 2004-cü il təvəllüdlü və daha böyük akrobatlardan ibarət qarışıq cütlüklər, kişi cütlüyü və qadın qrupunun, həmçinin balalar (2009-2010), kiçiklər (2007-2008) və balacalar (2006-2007) yaş kateqoriyalarında kişi idman gimnastlarının və uşaqlar (2008-2009), yeniyetmələr (2007-2008) və gənclər (2004-2006) yaş kateqoriyalarında qadın idman gimnastlarının yarışı keçiriləcək.
İkinci gün isə uşaqlar (2004-2005), yeniyetmələr (2002-2004), gənclər (2000-2002) və böyüklər (1999-cu il təvəllüdlülər və daha böyüklər) yaş kateqoriyalarında kişi idman gimnastları, həmçinin 2009-2010-cu il təvəllüdlü qadın idman gimnastları çıxış edəcək.(trend)
pia.az
Digərxəbərlər
Populyar xəbərlər
