Binəqədidə şok olay
Binəqədi rayonu ərazisində şok hadisə baş verib. Bu barədə daxil olan məlumatda bildirilir ki, son vaxtlarda Binəqədi rayonu ərazisində yeni tikilən evlərin sökülməsi və neft şirkətinin ərazisi olduğu iddia edilən yerlərdə tikinti işlərinin aparılmasına problemlər yaradılır. Özünü Binəqədi Rayon İcra Hakimiyyətinin işçisi kimi təqdim edən Nicat adlı şəxs isə ev tikdirmək istəyən sakinlərlə əməlli-başlı bazarlıq edir.
Məlumatda bildirilir ki. Nicat adlı bu şəxs ev tikdirmək istəyən şəxslərdən beş min manat istəyir. Bəziləri bun məbləği versələr də, bir çoxları bundan imtina edirlər və buna görə də ciddi problemlər yaranır.
Redaksiyamıza daxil olan məlumatda bu gün səhər saatlarında Nicat adlı şəxslə ev tikdirmək istəyənlər arasında yenidən mübahisə baş verdiyi və nəticədə özünü Binəqədi Rayon İcra Hakimiyyətinin işçisi kimi şəxsin döyüldüyü iddia olunur. Məlumatda bildirilir ki, bu pulu Binəqədi Rayon İcra Hakimiyyətinin başçısı Xaləddin İsgəndərov üçün yığdığını deyən Nicat adlı şəxs bu gün döyüldükdən sonra “Niva” markalı maşınına minərək qaçıb.
Qarşı tərəfin mövqeyini dərc etməyə hazırıq. (gunxeber.com)
PİA.AZ-dan: Biz bu məsləyə daha əvvəldən toxunmuşduq.
Hazırda PİA.AZ-ın əməkdaşı bu məsələ ilə bağlı araşdırma aparır. Ən yaxın zamanda Xaləddin İsgəndərovun pul yığanları və reket komandasının rəhbərlik edən Mirpaşa, Nicat və Rəşad adlı şəxslər barədə və Binəqədi iğra başçısının məzlum insanların boğazından son tikələrini necə çıxarması barədə sensasion məlumatları oxucalarımızın diqqətinə cəlb edəcəyik.