Alman polisi iki il əvvəl maşınını hansısa dayanacaqda saxlayan, amma onun yerini unudan Münhen sakininə yaxşılıq edib
“Reuters” agentliyinin xəbərinə görə, maşın sürücünün təxmin etdiyi yerdən 4 kilometr aralıda imiş. Polisdə bildiriblər ki, 2015-ci ilin dekabrında maşını dayanacaqlardan birində saxlayan Münhen sakini daha sonra əylənməyə gedib. Məclis zamanı o, həddən artıq içib və növbəti gün maşınını tapa bilməyib. O, polisə maşınını itirməsi ilə bağlı məlumat verib. Bu yaxınlarda dayanacağın yanından keçən bir avtomüfəttiş görüb ki, maşınlardan birinin üstündə texniki baxışdan keçməklə bağlı təcili bildiriş yapışdırılıb. Bu barədə polisə xəbər verəndən sonra isə “xoşbəxt sonluq” baş verib və yiyəsi maşınına qovuşub.
Maraqlıdır ki, 2 il dayanacaqda qalan maşından heç nə itməyib.
pia.az
Digərxəbərlər
Populyar xəbərlər
