Gəncə şəhərində maskalı şəxslər şirkətə basqın ediblər
“Report”un Qərb bürosunun məlumatına görə, hadisə şəhərin Ü.Hacıbəyli küçəsində baş verib.
Belə ki, naməlum şəxslər orada yerləşən şirkətin gözətçisini döyüblər və sonra isə içərisində 80 min manat olan seyfi özləri ilə aparıblar.
İlkin məlumatlara görə, basqınçılar iki nəfər olub.
Gəncə şəhər Kəpəz rayon Polis İdarəsindən “Report”un Qərb bürosuna verilən məlumata görə, ötən axşam baş verən hadisə ilə bağlı əməliyyat-axtarış qrupu yaradılıb.
Faktla bağlı əməliyyat-axtarış tədbirləri həyata keçirilir.
pia.az