Krımda dalğıclar 1943-cü ildə batmış "Boy Federsen" gəmisini aşkarlayıblar. Bəzi məlumatlara əsasən, gəmidə hitlerçilər tərəfindən qarət edilmiş xəzinə daşınırmış
PİA.AZ salamnews-a istinadən xəbər verir ki, ekspedisiyani əks etdirən video kadrlarda mütəxəssislərin gəminin batdığı yerdə gördüyüı işlər görüntülənir. Gəminin forması və ərazinin relyefi xüsusi cihazlar tərəfindən tədqiq edilir.
1914-cü ildə Almaniyada istehsal edilmiş paroxod əvvəlcə "Anhalt" adlanıb. 1919-cu ildə gəmi təzminat qismində İngiltərəyə verilib. Daha sonra İspaniya şirkətinə satılıb. Sonda almanlar gəmini yenidən alaraq köhnə adını qaytarıblar, 1931-ci ildə isə gəmi Sovet İttifaqı tərəfindən alınıb. Bu zamandan paroxod "Xarkov" adlandırılıb.
Böyük Vətən müharibəsi illərində hitlerçilər tərəfindən ələ keçirilmiş Nikolayev limanını tərk etmək mümkün olmadığından "Xarkov"un ekipajı gəmini zədələyərək tərk ediblər. Almanlar paroxodu bərpa ediblər və "Harkov" adı qoyublar, 1943-cü ildə isə adını dəyişərək "Boy Feddersen" adlandırıblar.
1943-cü ildə gəmi Sovet "İl-4" torpedadaşıyıcı-təyyarələri hücumu zamanı batırılıb. Həmin hücuma D-4 sualtı qayığı, daha sonra A-20 bombardmançıları da qoşulub.
pia.az