Fransalı alimlər nasist Almaniyasının lideri Adolf Hitlerin öldüyü tarixi dəqiqləşdirmək üçün araşdırma aparıblar
Bu barədə “European Journal of Internal Medicine” nəşrində məqalə yayımlanıb.
Ekspertlər Rusiyada 2000-ci ildə sərgilənən A.Hitlerin çənə sümüyü üzərində araşdırma aparıblar.
Nəticədə onun 1945-ci ildə aprelin 30-da Berlin təslim olmadan öncə intihar etdiyi dəqiqləşib.
Hitler vegeteryan olduğu üçün dişlərində ət lifi izinə rast gəlinməyib.
Dişlərdə barıt izi də aşkar edilmədiyi üçün onun tapançasını ağzına salaraq özünü vurduğu iddiaları təsdiqlənməyib.
Hitlerin sianid turşusu içərək intihar etdiyi iddia olunur. Çənədəki mavi qalıqlar bu iddianı gücləndirir.
Qeyd edək ki, Hitlerin qaçdığına və hələ də yaşadığına dair bir çox fərziyyələr ortaya atılır. (teleqraf.com)
pia.az