GDU-da biabırçılıq - Xanım əməkdaş kafedra müdiri tərəfindən amasızcasına döyülüb
İnsidentə səbəb isə Sərəncam xanımın Gül bayramında Heydər Əliyevin nəfis portretini yaratması olub.
Gəncə Dövlət Universitetinin Fizika və texniki fənlər fakültəsi əlbəyəxa döyüş meydanına çevrilib. Bu barədə AzMedia.infoya daxil olan məlumatda bildirilir.
Gəncə Dövlət Universitetinin Fizika və Texniki Fənnlər fakültəsində ağılagəlməz növbəti biabırçılıq baş verib. Belə ki, fakültənin Ümumi texniki fənnlər kafedrasının müdiri, dosent Mahir Nağıyev həmin kafedranın əməkdaşı Sərəncam xanımı fakültənin əməkdaşlarının gözləri qarşısında qəddarcasına döyüb. Nəticədə Sərəncam xanımın barmağı sınıb, bədənində çoxlu sayda qançırlar əmələ gəlib. Bu barədə Sərəncam xanım məhkəmə tibb ekspertizasından arayiş alıb.
Daxil olan məlumata əsasən insident 8 may 2015-ci ildə Gəncə şəhərində keçirilən Gül bayramında baş verib. Belə ki, Sərəncam xanımın yaratdığı nəfis əl işi , şəhərin icra hakimiyyətinin başçısı Elmar Vəliyev tərəfindən təriflənib və yüksək qiymətləndirilib. Sənət işi isə, Ümummilli lider Heydər Əliyevin muncuqlar , billur şüşə hissəcikləri ilə hazırlanan və güllərlə bəzədilən nəfis portreti olub. Sərəncam xanımın yüksək tərifə layiq görülməsi kafedra müdiri Mahir Nağıyevin və kafedranın bəzi qadın işçilərinin ürəyincə olmayıb. Heç bir qabiliyyəti və savadı olmayan, kafedranı idarə edə bilməyən Mahir Nağıyevin nəhayət əsəbləri dözməyib. O, kafedranın qadın əməkdaşları ilə birləşib, xırda bəhanə ilə Sərəncam xanıma söz ataraq lağ ediblər ki, bəs sənin əməyinə niyə medal vermədilər?
Mənbə bildirir ki, Sərəncan xanımı əvvəlcə kafedra müdirinin kabinetində döyüblər. Dəhlizə qaçan Sərəncam xanımı Mahir müəllim dəhlizdə də döyməyə davam edib. həmin vaxt əlbəyaxa döyüş meydanının bir metrliyində olan fakültə dekanı, onun müavinləri və kafedra müdirləri onları aralamaq əvəzinə dava dalaşa şahid olmamaq üçün qaçaraq kabınetlərində gizləniblər.
Bildirilir ki, kafedra müdiri Mahir Nağıyevin Sərəncam xanıma qarşı belə fiziki təcavüzü birinci dəfə deyil. O əvvəllərdə bu xanıma qarşı aqrrnesiasını gizlətməyib.
Azərbaycanlılarda kişinin qadına əl qaldırması alçaq hərəkət sayılır. Mahir müəllimin bu hərəkəti milli mentalitetimizə ləkə gətirən , kişiliyə yaraşmayan hərəkətdir. Ən biabırçılıq isə ondan ibarətdir ki, həmin vaxt əlbəyaxa döyüş meydanının bir metrliyində olan fakültə dekanı, onun müavinləri və kafedra müdirləri onları aralamaq əvəzinə dava dalaşa şahid olmamaq üçün qaçaraq kabınetlərində gizləniblər.
Məlumatda göstərilir ki, bu biabırçılıq universitetin "Etika" komissiyasında müzakirə edilib. Bu iclasda Mahir Nağıyev çıxış edərək deyib ki, Sərəncam xanımın barmağı qırılmayıb, o, yalandan arayış alıb. Qeyd edək ki, daxil olan məlumata əsasən GDU-nun "Etika" komissiyası Mahir Nağıyevin bu biabırçı hərəkətinə qiymət verməkdən çəkinib və o, cəzasız qalıb. GDU rəhbərliyi isə bu biabırçı insidentə göz yummaqla faktiki olaraq universiteti rəzalət yuvasına çeviriblər.
Yazıda adı keçən şəxslərin mövqeyini dərc etməyə hazırıq.
pia.az