Amerikalı yaşlı kişi artıq 39 ildir ki, sevdiyi qadına eyni konfet qutusunu hədiyyə edir
Amma bunun qənaətcilliklə heç bir əlaqəsi yoxdur. Ailə ənənəsinin tarixini o, “News 8 WTNH” telekanalına açıqlayıb.
Nyu Mexiko ştatında yerləşən Albukerke şəhərindəki Ron və Donna Kramer 1979-cu ildə tanış olublar. Kişi sığorta agentliyində çalışırdı və qadının qapısını döyərək ona öz şirkətlərinin xidmətini təklif etmişdi. Tezliklə onlar görüşməyə başlayıblar və ilk Sevgililər Günündə Ron öz sevdiyinə tünd şokolad qutusu hədiyyə edib. Mağazada kişiyə deyiblər ki, əgər o, qutunun özünü gələn ilə qədər saxlasa, onu yenidən şokoladla doldurub verə bilərlər və beləliklə, növbəti il onun yenidən konfet qutusu qablaşdırmasına pulu getməyəcək. Və beləcə, növbəti 38 ildə o, bunu davamlı olaraq təkrarlayıb.
2014-cü ildə isə Donnanı Qocalar Evinə göndərdilər, çünki o, müstəqil şəkildə heç nə edə bilmirdi. “Bizi ayırdıqları gün mənim həyatımın ən kədərli günü idi” - bunu da Kramer deyib.
Kişi isə dərk edir ki, əqli pozğunluğu olan həyat yoldaşı hər an onu da unuda bilər. Ona görə də bacardıqca onunla daha çox vaxt keçirməyə və ailə ənənələrinə riayət etməyə çalışır. Donna isə ərinin səylərini olduqca yüksək qiymətləndirir və onu ilk günkü qədər şiddətlə sevir.
pia.az