Türkiyə Silahlı Qüvvələrinin PKK terror təşkilatına qarşı həyata keçirdiyi əməliyyatlarda Xalqların Demokratik Partiyasının (HDP) lideri Səlahəddin Dəmirdaşın qardaşı Nurəddin Dəmirdaş yaralanıb
Bu barədə Azvision.az Türkiyə KİV-lərinə istinadən xəbər verir.
Məlumata görə, “Şəhid Həmzə Yıldırım" adı verilən əməliyyatda 28 ədəd F-16 döyüş təyyarəsi ilə həyata keçirilən əməliyyatlar ötən gün günorta saatlarından başlayaraq gecə yarısına qədər davam edib. Nəticədə PKK-nın 65-ə qədər sığınağı məhv edilib.
Qeyd edək ki, son günlər Türkiyə Silahlı Qüvvələrinin PKK terror təşkilatına qarşı həyata keçirdiyi əməliyyatlarda 260-dan çox terrorist məhv edilib, 400-dən çoxu isə yaralanıb.
Xatırladaq ki, Türkiyə prezidenti Rəcəb Tayyib Ərdoğan bir neçə gün əvvəl verdiyi açıqlamasında S. Dəmirtaşın qardaşının İraqın şimalındakı PKK düşərgələrində olduğunu bildirmişdi.
pia.az