Gürcülərin 72%-i Tiflisin Avropa Birliyinin üzvü olmasını istəyir
Axar.az xəbər verir ki, bu nəticə Milli Demokratiya İnstitutunun keçirdiyi sorğudan sonra ortaya çıxıb. Ölkənin Avropa Birliyinə doğru irəliləməsini istəməyənlərin sayı isə əhalinin 18%-ni təşkil edir.
Təşkilat həmçinin Gürcü Arzusu tərəfdarlarının 75%-nin, Vahid Milli Hərəkat Partiyasının isə 83%-nin ölkənin AB-yə girməsini istədiyini bildirib.
Gürcülərin həmçinin 61%-i ölkənin gələcəyini NATO-da görür. 25% əhali isə Tiflisin hərbi alyansda yer almasını qəbuledilməz sayır. Bu məqamda da Gürcü Arzusu Vahid Milli Hərəkata uduzur. İvanişvili tərəfdarlarının 60%-i, Saakaşvili tərəfdarlarının isə 79%-i Tiflisi NATO-da görmək istəyir.
Sorğunun nəticələrinə əsasən, ölkədə keçən ilin martına nisbətən NATO tərəfdarlarının sayı azalıb. Keçən il bu göstərici 68% təşkil edib.
pia.az