Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Günəşdəki partlayışlar, geomaqnit qasırğaları: Kimlər üçün risklidir?


Son günlər Günəşdə baş verən ardıcıl partlayışlar, geomaqnit qasırğalarının orqanizmə bir çox mənfi təsirləri var. Geomaqnit qasırğaları risk qrupuna daxil olan xəstələr, meteohəssas insanlar üçün təhlükəlidir


Bunu APA TV-nin “Öncə sağlıq” proqramında qonaq olan nevroloq  Nailə Ələkbərova və kardioloq Oqtay Musayev açıqlayıb. 

Mütəxəssislər geomaqnit qasırğalarının daha çox sinir və ürək-qan damar sistemlərinə mənfi təsir etdiyini açıqlayıblar. Qeyd olunub ki, son günlər yorğunluq, halsızlıq hallarından, kəskin yuxusuzluqdan şikayət edənlər çoxalıb.

N. Ələkbərova bildirib ki, Günəşdə baş verən partlayışlarla bağlı yaranan geomaqnit qasırğaları nəticəsində bir sıra nevroloji problemlərlə əlaqədar həkimə müraciətlərin sayında artım qeydə alınıb.  Onun sözlərinə görə, Günəşdə partlayışlar qeydə alındığı müddətdə insult keçirmə halları da artıb: “Son günlər əvvəlki dövrlə müqayisədə insult keçirmə halları daha çoxdur. Geomaqnit dalğalarının təsiri  nəticəsində insult keçirmə riski də artır”.

Mütəxəssislər qeyd ediblər ki, atmosfer təzyiqində baş verən dəyişikliklər artıq çəkisi olan, daha əvvəllər insult, infarkt keçirmiş, ürək-damar problemlərindən əziyyət çəkənlər üçün daha çox diskomfort yaradır.
O. Musayevin sözlərinə görə, xüsusilə yaşlı insanlar, qadınlar elektromaqnit dalğalarında dəyişiklikləri daha çox hiss edirlər. Həkim bildirib ki, maqnit qasırğasının təsirləri əsasən 3 gün ərzində özünü büruzə verir və adətən qalıcı təsirlər olmur.

Kardioloq hesab edir ki, elektromaqnit dalğaları daha çox meteohəssas insanlarda təzyiqin birdən-birə dəyişməsinə səbəb olur. Kardioloq deyib ki, sağlam insanlarda yaranan problemləri xəstəlik kimi deyil, müvəqqəti keçid dövrü kimi qəbul etmək olar. Onun sözlərinə görə, son günlər tamamilə sağlam olan insanlarda belə təzyiqin yüksəlməsi halları qeydə alınıb.

N.Ələkbərova deyib ki, metehoəssas insanlar üçün bu günlər ərzində depressiyaya düşmək xarakterik hal sayıla bilər. Nevroloqun sözlərinə görə, elektromaqnit dalğalarındakı dəyişikliklər hətta onkoloji problemlərə də səbəb ola bilər.

Elektromaqnit qasırğasının yuxusuzluq yaratdığını istisna etməyən O.Musayev onu da qeyd edib ki, yuxusuz qalan insanlar daha çox risk qruplarına aid edilirlər.

Kardioloq onu da vurğulayıb ki, əgər bir insan tamamilə sağlamdırsa, irsi xəstəliklər baxımından risk qrupuna aid deyilsə o zaman həmin şəxsə elektromaqnit dalğalarının təsir gücü çox aşağıdır. 

Mütəxəssislər bu günlər ərzində risk qrupuna daxil olan, əsasən, təzyiq, şəkər xəstələrini, infarkt, insult keçən şəxsləri diqqətli olmağa, narahatlıq yarandığı hallarda həkimə müraciət etməyə, dərmanları həkim təyinatı ilə qəbul etməyə çağırıblar. Qeyd olunub ki, geomaqnit qasırğaları baş verən günlərdə çoxlu maye qəbul edilməli, Günəş şüalarının təsirindən uzaq durmaq vacibdir.



pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistan Silahlı Qüvvələrinin Baş Qərargah rəisi müharibə istəyir?..

Yarım milyon mənimsəyən baş həkim həbsdə öldü    

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Azərbaycanda taksilərdə gediş haqqı lövhəsinin nümunəvi forması açıqlanıb

Uçot dərəcəsi endirilir, amma kredit faizləri azalmır. Nədən...

Qədr gecəsinin əməlləri: “İmkanı olanların süfrə açması məsləhətdir” 

Ən çox oxunanalar