“Pulun 300 manatını Bakıda xərcləmişik”
Göyçay rayonunda oğurluq hadisəsi baş verib.
Rayonun Ləkçıplaq kənd sakini, 1985-ci il təvəllüdlü Hüseynov Natiq Salam oğlu Bakı şəhərində yaşayan dostu, 1986-cı il təvəllüdlü Əliyev Alim Malik oğlu ilə birgə həmin kənddə yaşayan əmisi, 1961-ci il təvəllüdlü Hüseynov Şahin Rizvan oğlunun mənzilinə gizli yolla pəncərədən daxil olaraq, 6400 manat oğurlayıb.
Ş. Hüseynovun hüquq-mühafizə orqanlarına müraciəti əsasında polis əməkdaşları tərəfindən oğurluq edən şəxslərin tapılması istiqamətində əməliyyat-axtarış tədbirləri keçirilib.
Evdən oğurluq edən şəxslər Bakıda tutularaq istintaqa təhvil veriliblər.
Onlar həmin pulun 300 manatını Bakıda xərclədiklərini bildiriblər. Qalan pullar isə maddi sübut kimi götürülüb.
Faktla bağlı Göyçay rayon Polis Şöbəsi tərəfindən cinayət işi başlanıb, araşdırma aparılır. (apa)
Digərxəbərlər
Populyar xəbərlər
