Azərbaycanın paytaxtı əsərlərin qeydi-adiliyi ilə dünya üzrə məşhur, görkəmli meksikalı heykəltəraş Xorxe Marini qəbul edir
Səfər növbəti altı ay ərzində tamaşaçılar üçün açıq olacaq “Varlığın Yenidən Qurulması” adlı sərginin Heydər Əliyev Mərkəzində açılışı münasibətilə həyata keçirilir.
Meksikanın ölkəmizdəki səfriliyindən Strateq.az-a verilən xəbərdə bildirilir ki, 1963-cü ildə Meksikada dünyaya gələn Xorxe Marin ölkəsində müasir təsviri incəsənətin ən görkəmli nümayəndələrindən biridir. Karyerasının çox şahəli olması ustada fərqli sahələri əhatə etmək və müxtəlif materiallarla – keramika və qatranla – işləmək imkanını yaratdı. Buna baxmayaraq, uzun və müfəssəl bir axtarışın sonunda, heykəltəraş fərqliliyi üstün tutaraq bürünclə işləməyi seçdi, bununla da, personajların əlləri və ayaqlarının, həmçinin parça, damar və lələk teksturasının canlı görünüşü əldə etməsi üçün ideal imkan yaratdı.
Xorxe Marinin yaratdığı əsərlər həm milli həm də beynəlxalq səviyyədə geniş şəkildə tanınıb. Heykəltəraş minitürdan monumental heykəllərədək müxtəlif ölçüdə olan əsərlər yaradıb. O, sənət əsəri ilə tamaşaçı arasında gözlənilməyən və maraqlı oyundan ibarət yazılmamış bir dialoqun yaranmasına səbəb olub. Tamaşaçı qanadlarının olmasını təsəvvürünə gətirir, fantastik personajların hisslərini yaşayır.
Ustad 25 illik sənəti ərzində 250-dən çox qarışıq və fərdi sərgilərdə iştirak edib. Onun işləri Avropa, Amerika və Asiya ölkələrinin, o cümldən Almaniya, Belçika, Danimarka, İspaniya, Fransa, Macarıstan, İngiltərə, Portuqaliya, Türkiyə, Rumıniya, Kanada, Kosta-Rika, ABŞ, Salvador, Qvatemala, Panama, Çin, Sinqapur və İndoneziyanın muzey və qalereyalarında nümayiş olunub
pia.az
Digərxəbərlər
Populyar xəbərlər
