Fransa Azərbaycana qarşı növbəti təxribata əl atıb
Azvision.az-ın erməni KİV-nə istinadən verdiyi məlumata görə, Azərbaycanın işğal altında olan ərazilərində yerləşən Əsgəran şəhəri ilə Fransanın Bouk-Bel-Air şəhərləri arasında qardaşlıq sazişi imzalanıb.
Saziş hər iki şəhər arasında dostluq əlaqələrinin gücləndirilməsini və təhsil, tibb və idman sahələrində əməkdaşlıq əlaqələrinin qurulmasını nəzərdə tutur.
Şəhərlərin qardaşlaşması barədə sazişi “Dağlıq Qarabağ Respublikası”nın "mədəniyyət və gənclər naziri" Narin Ağhabalian və Boul-Bel-Air şəhərinin meri Rişardm Malie imzalayıblar.
Sayt məlumatla bağlı Xarici İşlər Nazirliyinin mətbuat xidməti ilə əlaqə saxlayıb. Nazirlikdən bildirilib ki, məsələ ilə bağlı Azərbaycanın Fransadakı səfirliyi məlumatlandırılıb. Xəbər dəqiqləşdirilir.
pia.az