2018-ci ildən Formula-1 bolidlərində “Halo” təhlükəsizlik sistemindən istifadə olunacaq
Bununla bağlı Beynəlxalq Avtomobil Federasiyasının (FİA) İsveçrənin Cenevrə şəhərində keçirilən Strateji Qrupunun iclasında qərar qəbul olunub.
Məqsəd qəzalar zamanı pilotların başını ciddi xəsarətlərdən qorumaqdır.
Formula-1 üzrə dünya çempionatında iştirak edən 10 komandadan 9-u “Halo” sisteminə qarşı səs versələr də, FİA rəhbərliyi təhlükəsizlik tədbirlərini əsas tutaraq, onların fikirlərinə məhəl qoymayıb.
“Halo” ilə bağlı yekun qərar FİA-nın Ümumdünya Şurasında çıxarılacaq.
Qeyd edək ki, 2018-ci ildə Formula-1 üzrə Azərbaycan Qran-Prisi 27–29 apreldə keçiriləcək. (report.az)
pia.az