İyulun 29-da Azərbaycanda Fitr bayramı qeyd olunub
Ramazan ayının başa çatması münasibətilə ölkə məscidlərində bayram namazları qılınıb. Bakının Təzə Pir məscidində bayram namazını QMİ sədri Şeyxülislam Hacı Allahşükür Paşazadə qıldırıb.
Bakının Məşədi Dadaş məscidində bayram namazından sonra talessemiyalı uşaqlar üçün qanvermə aksiyası keçirilib. Məsciddən verilən məlumata əsasən, aksiyanı məscidlə yanaşı Azərbaycan Mərkəzi Qan Bankı və Azərbaycan Talassemiya Federasiyasının birgə layihəsi idi.
Qeyd olunan qurumların mütəxəssisləri məscidə müraciət edərək bildirmişdilər ki, talassemiyalı uşaqlara təcili olaraq və böyük həcmdə qan gərəkdir. Məscidə ən çox insanın bayram namazına toplaşacağını nəzərə alaraq, məscid rəhbərliyi aksiya üçün bayram gününün daha münasib olduğunu bildirib. Bundan sonra məscidin axundu, ilahiyyatçı Hacı Şahin Həsənli bayramdan öncə də və bayram günü də məscidə toplaşan möminləri qan verməyə çağırdı. Yüzlərlə gəncin qatıldığı aksiya uğurla başa çatdı və yardıma ehtiyacı olan uşaqlara kifayət qədər qan toplandı.(musavat)
Digərxəbərlər
Populyar xəbərlər
