“Sonsuz aşk” adlı türk filminin Bakıda da qala gecəsi keçiriləcək
Axşam.az-ın məlumatına görə, Murad Yıldırım və Fahriye Evcenin iki sevgilini canlandırdığı ekran işi martda təqdim olunacaq.
Nizami Kino Mərkəzinin mətbuat xidmətindən əməkdaşımıza verilən xəbərdə bildirilib ki, hazırda danışıqlar aparılır:
“Qala gecənin dəqiq günü bəlli deyil. Hazırda danışıqlar aparılır. Bircə onu deyə bilərəm ki, qala martda baş tutacaq”.
“Sonsuz aşk”ın Türkiyə qalası martın 24-də keçiriləcək.
Qeyd edək ki, Fahriye filmdə bacısı ilə birgə yaşayan və kiçik xoşbəxtliklərlə həyatını rəngləndirən "Zeynəb" obrazını, Murad isə işinə bağlı, həmçinin gənc yaşda professor olan "cərrah Can" obrazını canlandırıb.
pia.az