Facebook-da yalan məlumatların paylaşılması məsuliyyət yaradırmı?

Sosial şəbəkələrdə tez-tez dəqiqləşdirilməmiş, yalan məlumatlar paylaşılır

Maraqlıdır, sosial şəbəkələrdə dəqiqləşdirilməmiş məlumatlar yaymaq məsuliyyət yaradırmı?

Mövzu ilə əlaqədar hüquqşünas Ələsgər Məmmədli Cebhe.info-ya açıqlamasında bildirib ki, məsuliyyətin yaranması informasiyadan asılı olaraq dəyişir:

“İnformasiya hüquqi mənafeyə zərər verirsə, həmin an məsuliyyət yaranır. Yox, əgər məlumat konkret olaraq hüquqi mənafeyə zərər vermirsə, bu, hüquqi cəhətdən məsuliyyət yaratmır. Burada artıq etik qaydalar önə çıxır. Sosial şəbəkələrdə belə bir reallıq var ki, onlar hansısa mənbəyə istinadla məlumatı yayırlar. Ya digər saytlardan, ya da ki, hansısa şəxslərin məlumatı ilə bu informasiyalar yazılıb, paylaşılır.

Məsələn, keçmiş icra başçısı ilə bağlı xəbərdə onun uzunmüddət həbsdə saxlanması və hər hansısa görüşün olmaması şübhə yaratmışdı. Yaxınları narahat olub, bununla bağlı sosial şəbəkələrə məlumat vermişdi. Bu gün o səbəbdən də onun ailəsi ilə görüşü oldu. Bu halda sosial şəbəkələrdəki danışıqlar onun xeyirinə oldu”.

Ə.Məmmədli bildirib ki, verilən məlumatlarda zərər yoxdursa, bu, məsuliyyət yarada bilməz.

pia.az