FİFA Neymarın Braziliyanın "Santos" klubundan "Barcelona"ya keçidini qanuni hesab edib
PİA.AZ goal.az-a istinadən xəbər verir ki, bu barədə 25 yaşlı hücumçunun maraqlarını qoruyan "N&N Consultoria" şirkəti məlumat yayıb. Neymarın keçidinin qaydalar çərçivəsində reallaşmasına dair qərar iyulun 11-də qəbul olunub.
"Santos"un qərarın səbəbini FİFA-dan istəmək üçün 10 gün vaxtı var. Klub bundan sonra qərardan şikayət edə bilər. "Santos" klubu 2015-ci ilin mayında FİFA-ya şikayət edib. Braziliya təmsilçisinin rəsmiləri "Barcelona", Neymar və N&N Consultoria" şirkətinin transfer reqlamentinin şərtlərini pozduqlarına əmindirlər. Klub bəyan edib ki, Neymarın transferindən 17 milyon avro əldə edib. "Barselona"nın ödədiyi məbləğin əsas hissəsi - 58,5 milyon avro isə hücumçu ilə şirkətə çatıb.
Neymar 2013-cü ilin mayında "Barcelona"ya transfer olunub. Onun İspaniya təmsilçisi ilə 2021-ci ilə qədər müqaviləsi var.
pia.az
Digərxəbərlər
Populyar xəbərlər
