2001-2006-cı illərdə “Space” müstəqil teleradio şirkətinin prezidenti olan Etibar Babayev AzTV-nin nəzdində fəaliyyət göstərən Televiziya Akademiyasının rektoru vəzifəsindən uzaqlaşdırılıb
PİA.AZ xəbər verir ki, bu haqda AzNews.az-a AzTV-dən məlumat verilib.
Məlumata görə, həmin vəzifəyə may ayının 5-də Prezident İlham Əliyevin sərəncamı ilə AzTV-nin sədr müavini vəzifəsindən çıxarılan Faiq Hüsiyev təyin edilib.
Mənbə bildirir ki, bu günlərdə AzTV-də daha bir təyinat olub.
Televiziyanın sədri, millət vəkili Arif Alışanov öz köməkçisi Fərman Orucovu "İdman Azərbaycan" Televiziyasının direktoru təyin edib.
Qeyd edək ki, mayın 5-də işdən çıxarılan AzTV sədrinin radio üzrə keçmiş müavini Cavanşir Cahangirovun da yenidən AzTV-yə hansısa vəzifəyə qayıdacağı gözlənilir. Ancaq bu informasiya hələ öz təsdiqini tapmayıb.
pia.az