Müğənni Ağadadaş Ağayevin oğlu Səbuhi Ağayevin srağagün baş tutmuş toy mərasimindən bəhs edən ermənilərin “Voskanapat” nəşri həm Azərbaycan jurnalistlərini, həm də toy sahiblərini istehza və təhqir hədəfinə çevirib
Buna bəhanə kimi ermənilər məşhur müğənninin keçmiş adət-ənənələrimizə uyğun olaraq bəy toyunu gəlinin və digər qadınların iştirakı olmadan keçirməsindən yararlanıblar.
Azəri saytlarından birinin əməkdaşlarını “mavi orientasiyalı” adlandıran düşmən saytı onları Səbuhi Ağayevin toyda “bəy, yoxsa gəlin qismində iştirak etməsinin fərqinə varmadığını” vurğulayıb. Erməni müəllif təhqirnaməsinin başlığını da belə qoyub: ”Yaxşı, Səbuhi, sən bəysən, yoxsa gəlin?..”
Qeyd edək ki, Azərbaycan xalqına və dövlətinə qarşı gündəlik qarayaxma və böhtanlarla çıxış edən, həm də “Azərbaycanın avtoxton xalqlarının tribunası” adı altında separatizmə meydan verən “Voskanapat “analitik portalı”nın təsisçisi, rəhbəri və əsas yazarı Levon Melik-Şaxnazaryan Gəncədə doğulub, Azərbaycanın çörəyi-suyu ilə böyümüş nankor ermənidir. Hərçənd, bəzi mənbələr onun əslində yezidi kürdü olduğunu və “KQB”-nin keçmiş agenti olaraq erməni-türk qarşıdurmasını daha da gücləndirmək məqsədilə Kremlin diktəsi ilə işlədiyini vurğulayırlar.