Ermənistanda 7 nəfərdən ibarət ailəni vəhşicəsinə öldürməkdə günahlandırılan Rusiya hərbçisi Valeriy Permaykov məhkəmə-psixiatrik ekspertizasından keçiriləcək
Azvision.az-ın məlumatına görə, bu barədə “İnterfax” xəbər verib.
Mənbənin sözlərinə görə, ekspertiza stasionar qaydada Rusiyanın Ermənistandakı 102-ci bazasında keçiriləcək. Ekspertizanın iki həftə sonra yekunlaşacağı gözlənilir.
“Permyakovun psixikasında problemlərin olması haqqında bütün söhbətlər şayiədir. Ekspertizanin nəticələri hələ məlum deyil”, - deyə mənbə bildirib.
Qeyd edək ki, Permyakov yanvarın 12-i Ermənistanın Gümrü şəhərində biri 2 yaşlı uşaq olmaqla 7 nəfərdən ibarət ailəni amansızcasına qətlə yetirib.
pia.az