Türkiyə prezidenti Rəcəb Tayyib Ərdoğan özünə yeni baş müavir təyin edib
Avropa.info xəbər verir ki, yeni baş müşavir əvvəllər AKP Baş Qərargahında Gənclər təşkilatının sədri olmuş Zəfər Çubukçudur. 1986 təvəllüdlü Çubukçu Ərdoğanın say etibarilə 26-cı müşaviridir.
Karabükdə doğulan Çubukçu ODTÜ universitetində İdarəetmə ixtisasını oxuyub. AKP Gənclər təşkilatının sədri Çubukçu 2014-cü ildə vəzifəsini Əbdürrəhim Boynukalına təhvil verərək, prezident müşaviri vəzifəsini tutmuşdu.
Keçən ay evlənən Çubukçunun nikah şahidi prezident Ərdoğanın özü olmuşdu.
Qeyd edək ki, Ərdoğan son dəfə parlament komissiyasında vəzifə tutan Ayşe Türkmenoğlunu baş müşaviri təyin etmişdi.
pia.az