Xarici işlər naziri Elmar Məmmədyarov Beynəlxalq Əmək Təşkilatının baş direktoru Qay Rayderin rəhbərlik etdiyi nümayəndə heyətini qəbul edib
XİN-in mətbuat xidmətindən verilən məlumata görə, görüş zamanı Azərbaycanda keçirilən “Dayanıqlı İnkişaf Məqsədlərinə doğru davamlı inkişafın və layiqli əməyin təbliği” mövzusunda beynəlxalq konfransın əhəmiyyəti və konfrans zamanı faydalı müzakirələrin aparıldığı vurğulanıb.
Tərəflər Beynəlxalq Əmək Təşkilatı ilə Azərbaycan arasında əməkdaşlığın inkişaf etdirilməsinin əhəmiyyətinə toxunaraq bu əlaqələrin uğurla davam etdiriləcəyinə əminliklərini qeyd ediblər. Q. Rayder Azərbaycanın son on illik ərzində sosial sahədə əldə etdiyi nailiyyətlərin təqdirəlayiq olduğunu qeyd edərək bu uğurlu təcrübənin digər ölkələrlə bölüşdürülməsinin vacibliyini diqqətə çatdırıb.
E. Məmmədyarov son illər ərzində Azərbaycanda iqtisadiyyatın davamlı inkişafı, o cümlədən dayanıqlı inkişaf məqsədlərinin yerinə yetirilməsi, əhalinin əmək və sosial təminatı istiqamətində bir sıra mühüm işlər görüldüyünü, xüsusilə işsizliyin sürətlə azaldılması ilə bağlı qısa müddət ərzində böyük uğurların əldə edildiyini bildirib. Müstəqillik dövründə Azərbaycanın sosial-iqtisadi inkişafından danışan nazir deyib ki, Azərbaycan bu nailiyyətlərə Ermənistanın hərbi təcüvüzü, ərazilərin 20 faizinin işğalı və bir milyondan artıq qaçqın və məcburi köçkünün mövcudluğu şəraitində nail olub.
pia.az
Digərxəbərlər
Populyar xəbərlər
