Azərbaycan Ziyalılar Birliyinin sədri, Milli Şura üzvü Eldəniz Quliyev öz facebook səhifəsində DYP ilə bağlı maraqlı fikirlər səsləndirib:
""Sürət yenə can aldı!" Dünən, bu gün ölkə yollarında ölümlə nəticələnən ağır yol qəzaları haqda həmişə təkrar etdikləri fikiri usanmadan tirajlayırlar... Çevir tatı,vur tatı!
Daha demirlər ki, can alan Dövlət Yol Polisinin (BƏZİ) rüşvətxor məmurlarıdır. Can alan - psixi durumunda qüsürlar olduğunu bilə-bilə vətəndaşa sürücülük vəsiqəsini rüşvətlə verən (BƏZİ) polis əməkdaşlarıdır. Daha demirlər ki, can alan yol nişan və işarələrini, təhlükəsizlikdən daha artıq, özlərinə qazanc vasitəsinə çevirən DYP-nin (BƏZİ) üzdəniraq mütəxəssisləridir!.. Daha demirlər ki, can alan - SÜRƏT yox, həmin o sürətin s ə b ə b i d i r!
Həmişə olduğu kimi, səbəblə nəticəni qarışdırır, əvəzində isə onlarla, yüzlərlə, bəzənsə minlərlə... puç olmuş faciəvi insan taleyi "qazanırıq!.."(azadliq.info).