“Daş yuxular” romanının müəllifi, yazıçı Əkrəm Əylisli hazırda Azərbaycandan kənardadır
“Mən heç yerə qaçmamışam. Türkiyəyə nəvələrimi görməyə gəlmişəm. İstirahət edirəm. Avqustun 28-də vətənə qayıdacağam”, – deyə Ə. Əylisli bununla bağlı mediaya açıqlama verib.
Yazıçının oğlu İlyas Naibov-Əylislinin Türkiyə vətəndaşı olan xanımla ailə qurduğu bəllidir. PİA.AZ xəbər verir ki, Modern.az-ın Əylisli ailəsinin gəlinin kimliyini müəyyən edib. Yasemin Bahar xanım da Naibova-Əylisli soyadını daşıyır. İstanbul Universitetinin iqtisadiyyat fakültəsinin məzunu olan gəlin 2012-ci ildən “YapıKredi Bank Azərbaycan”da işləyir.
Qeyd edək ki, yazıçının oğlu İlyas Naiobov-Əylisli əvvəllər “Procter and Gable” şirkətinin Cənubi Qafqaz üzrə təmsilçisi olub. İkinci oğlu – gömrük polkovnik-leytenantı Nəcəf Naibov-Əylisli Dövlət Gömrük Komitəsinin Maliyyə, Taarif və Valyuta Nəzarəti Baş İdarəsi, aksiz şöbəsinin rəisi vəzifəsində işləyib və 2 il əvvəl istefaya göndərilib.
Ə. Əylislini xanımı Qalina Aleksandrova da Mərkəzləşdirilmiş Kitabxana Sisteminin 3 saylı filialının direktoru vəzifəsindən öz ərizəsi ilə çıxıb.