“Bu cür məsələlərə münasibəti ifaçılardan soruşsanız daha yaxşı olar. Məndə belə bir informasiya yoxdur. Həmin əsəri oxumamışam. Məlumatım olanda deyərəm. Bilirəm, siz informasiya istəyirsiniz. Amma zorla informasiya yaratmağın mənası yoxdur. İstəmirəm, baş verən hadisələrə münasibətdə mənim adım hallansın”.
Modern.az-a açıqlamasında Əkrəm Əylisli deyib. O, erməni məmur-yazıçı Lyubik Çibuxçyanın azərbaycanlı muğam ifaçısı Elnarə Abdullayevaya həsr elədiyi 173 səhifəlik “Elnarə” adlI kitabı haqda danışmaq istəməyib.
“Yaradıcılığımda yeni heç nə yoxdur”, – deyən Əkrəm Əylisli bir müddət əvvəl mediaya verdiyi açıqlamanı da təkzib edib. “Üzərində işlədiyim tərcümə əsəri yoxdur. Çox təəssüf edirəm, amma olan budur”.