Cümə axşamı, 28 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Əfv maya qədər uzana bilər


Rəşad Məcid: “İşlərin martadək yekunlaşacağı dəqiqləşməyib”; Əliməmməd Nuriyev: “Ən geci Cümhuriyyət Gününə qədər bu məsələlərə baxılacaq”


Əfv Komissiyasının mütəmadi olaraq, hər həftə keçirilən iclasları davam edir. 

Novruz bayramına doğru günlər qısaldıqca, iclaslar intensiv xarakter almağa başlayıb. Komissiyaya məhbuslar tərəfindən edilən müraciətlərin sayı və bu müraciətlərə baxılma prosesi sürətlənib.

Artıq Novruzda əfvin veriləcəyi ilə bağlı ümidlər tamdır. Əfvlə yanaşı may ayında amnistiya aktının qəbulu ilə bağlı gözləntilər də durmadan artır. Əfv qədər amnistiyaya da ümidlər böyükdür. Bütün bunlarla yanaşı Əfv Komissiyasının müraciətlərə baxma prosesini Novruza qədər başa çatdıra bilməyəcəyi təqdirdə sərəncamın maya qədər uzana bilmə ehtimalları da meydana çıxıb. May ayında həm amnistiyanın, həm də əfvin ola biləcəyi deyilir.

Milli Məclisin deputatı Siyavuş Novruzov parlamentin ilk yaz sessiyasında mərhum prezident Heydər Əliyevin anadan olmasının 95-ci ildönümü və Azərbaycan Xalq Cümhuriyyətinin (AXC) 100 illiyi münasibətilə “Amnistiya aktı haqqında” qanun layihəsinin qəbul olunması ilə bağlı parlamentə müraciət edib. Deputat qeyd edib ki, cənab prezident İlham Əliyev bunu öz üzərinə götürsün və Milli Məclis bu haqda qanun layihəsi qəbul etsin.


S.Novruzov onu da əlavə edib ki, bütün siyasi məhbuslar azad olunsun və beynəlxalq təşkilatların narazılığına son qoyulsun: “Burada maddələrlə deyil, prinsip etibarı ilə əhatə dairəsi geniş olmalıdır. Bu amnistiya aktı ilk növbədə ölkəmizin ərazi bütövlüyü uğrunda gedən döyüşlərdə iştirak edənlərə şamil olunsun. İkincisi, yaşı 60-dan yuxarı olan qadınlara tətbiq oluna bilər. Həmçinin, himayəsində azyaşlı uşaqları olanlar da bu aktdan bəhrələnə bilər. Yaşı 70-dən yuxarı olan bütün kişlərə tətbiq oluna bilər. Radikal cərəyanlara qoşulmayan dindar şəxslər də bu aktdan bəhrələnə bilərlər. Müxtəlif müxalifət, radikal qurumların və ayrı-arı reputasiyalı beynəlxalq təşkilatların təsirinə düşüb, bilmədən cinayət törədən gənclər var ki, onlara da tətbiq oluna bilər. Hesab edirəm ki, buna da biz nəzər salmalıyıq”.


Əfv Məsələləri Komissiyasının digər üzvü Rəşad Məcid Modern.az-a bildirib ki, əfv sərəncamının verilməsi maya qədər uzana bilər: “Çünki müraciətlər çoxdur və hələ də gəlməkdə davam edir. Buna görə işlərin marta qədər yekunlaşacağı dəqiqləşməyib. Amma təbii ki, qərar prezident İlham Əliyevdən asılıdır”.

Məcid eyni zamanda qeyd edib ki, amnistiyanın aktının qəbul olunması parlamentin qərarından asılı olacaq: “Əgər belə bir təşəbbüs irəli sürülübsə, bizə də bu təşəbbüsdən irəli gələn məsələləri icra etmək düşür”.



Əfv Komissiyasının digər üzvü Əliməmməd Nuriyev “Yeni Müsavat”a açıqlamasında indiyə qədər yüzlərlə ərizəyə baxıldığını söylədi: “Konkret rəqəm deyə bilmərəm, amma söhbət yüzlərlədən gedir. Şübhəsiz ki, müraciət edən hər bir məhbusun ərizəsini hərtərəfli araşdırmalı və sonra komissiyaya təqdim olunmalıdır. Bunun üçün əlbəttə müəyyən qədər vaxt lazımdır. Çünki komissiyasının iclasları da davam etdiyi vaxtda ərizələr də daxil olmaqdadır. Əgər bu məsələlər Novruz bayramına qədər başa çatmasa, ən geci Cümhuriyyət Gününə qədər bu məsələlərə baxılacaq. Hər şey müraciətlərin sayından asılıdır. Burada insan talelərindən söhbət gedir. Bu baxımdan diqqətli araşdırma çox vacibdir. Bu çox müzakirə tələb edir. Əgər komissiya müraciətləri araşdırıb, Novruz bayramına qədər başa çatdırsa, belə bir əfv bayram ərəfəsində gözlənilə bilər. Təbii ki, cənab prezident özü bunları müəyyən edir. Amma bayrama qədər olmasa, Cümhuriyyət Gününə qədər bu məsələ tam öz yekununu tapacaqdır. Əfv Komissiyasının sədri mütəmadi iclaslarını çağırmaqla buna nail olmağa çalışır. Ciddi sürətdə baxılır ki, Novruz bayramına qədər bunu başa çatdırmaq mümkün olsun. Amma yenə də deyirəm ki, burada tələsməmək lazımdır. Komissiyamızın sədri, hörmətli akademik Ramiz müəllim də bu məsələnin çox diqqətlə araşdırılmasının tərəfdarıdır.

İstənilən halda Novruz bayramına qədər cəhdlər olunacaq. Bilirsiniz ki, komissiyanın iclaslarında iştirak edən hər bir üzvü əksəriyyəti dövlət adamıdır. Bu günlərdə də çoxsaylı müxtəlif tədbirlər var. Bütün hallarda çalışır. Əsas olan odur ki, bütün məsələlər diqqətlə araşdırılır. Hər zaman olduğu kimi, bu dəfə də hərtərəfli araşdırma nəticəsində yekun rəyə gəlmək mümkün olacaq. Daxil olan müraciətlərə vahid yanaşma mövcuddur. Hamı qanun qarşısında bərabərdir. Kiminsə hansı qrupa aid olub-olmasından yaxud aktiv və qeyri-aktiv olub-olmamasından asılı olmayaraq, hər kəsin işinə baxılır. Burada hər kəsə bərabər yanaşma tətbiq olunur. Əlbəttə burada cinayət etmiş şəxsin xarakteri, onun şəxsiyyəti, zərərçəkmişin mövqeyi və digər məsələlər nəzərə alınır”. (musavat.com)

pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycan XİN Namiq Abbasovun vəfatı ilə bağlı paylaşım edib

Hikmət Hacıyev NATO-nun eks-baş katibi ilə bağlı paylaşım edib: Hesabatına ödənişi əlavə etməyi unudub

Azərbaycanda polkovnik-leytenant vəfat etdi - Foto

“Crocus”da insanları xilas edən Emil Hüseynov və anası baş verənlərdən danışdılar - Video

Ermənistanla Gürcüstan arasında demarkasiyası prosesi - İrəvan Tbilisiyə bir kənd verəcək....

Rusiya Ermənistana müqavilələrdə nəzərdə tutulan silahları göndərir

Azneft”in baş direktoru vəzifəsindən azad edildi - Yeni təyinat

Şadlıq saraylarında menyular bahalaşdı - Qiymətlər

Ən çox oxunanalar