Bu gün, 24 aprel 2018-ci il tarixdə “ƏBÜLFƏZ ELÇİBƏY-80” İctimai Təşkilat Komitəsinin İşçi Qrupunun toplantısı keçirilib
PİA.AZ xəbər verir ki, toplantıda İşçi Qrup Azərbaycan Milli Azadlıq hərəkatının lideri, Azərbaycan Respublikasının 2-ci prezidenti Əbülfəz Elçibəyin 80 illik yubileyinə hazırlıq işləri ilə bağlı öz iş planını təsdiq edib və iş planına uyğun olaraq görüləcək işlərlə bağlı müzakirələr aparılıb.
İlkin müzakirələrin nəticəsində qərara alınıb ki, Əbülfəz Elçibəyin 80 illik yubileyi ilə bağlı təntənəli yubiley tədbirinin keçiriəcəyi yer kimi Heydər Əliyev adına Respublika Sarayının ayrılması üçün ölkə rəhbərliyinə və müvafiq dövlət qurumlarına müraciət edilsin.
Bundan başqa, digər bir tədbirin, “Məhsul” stadionunda-açıq hava şəraitində kütləvi yubiley tədbirinin-mitinqin keçirilməsi üçün Bakı Şəhər İcra Hakimiyyətinə müraciət edilməsi də qərara alınıb.
İclaısın sonunda İşçi Qrup əsası 1999-cu ildə, Əbülfəz Elçibəy tərəfindən qoyulmuş, “24 aprel-Bütov Azərbaycan Gənclər Günü” münasibəti ilə Azərbaycan gənclərini təbrik edib.
pia.az
Digərxəbərlər
Populyar xəbərlər
