"Böyük Britaniyadan sonra Almaniya və Fransanın Avropa Birliyinin bütün yükünü öz çiyinlərinə götürəcəyi inandırıcı görünmür"
Bu sözləri Axar.az-a açıqlamasında keçmiş maliyyə naziri, iqtisadçı professor Fikrət Yusifov deyib. İqtisadçı Böyük Britaniyanın hələ bir il öncə AB-dən çıxacağını proqnozlaşdırdığını bildirib:
“Bu hadisə AB-nin sonunun başlanğıcı kimi dəyərləndirilməlidir. Böyük Britaniya birliyin üç sıravi üzvü olmayan ölkəsindən biridir. Deməli, AB-nin çöküşü qaçılmazdır və bu, çox uzaqda deyil. Son 2-3 ildə birliyin gələcəyinə inamsızlıq artıb. Bir çoxları Birləşmiş Krallığın AB-dən çıxmasını az qala bütün dünyanı bürüyəcək iqtisadi və maliyyə fəlakəti kimi təqdim etmək istəyirlər. Hökumət baş verəcəkləri öncədən hesablamamış olmaz, çünki ingilislər qərar verməzdən öncə onu yüz dəfə ölçüb-biçirlər”.
F.Yusifovun qənaətinə görə, dünya maliyyə bazarlarında yaranmış psixoloji durum istisna olunmaqla, ciddi dəyişikliklər real görünmür:
“ABŞ iqtisadiyyatı dünya iqtisadiyyatının 1/4 -nə bərabərdirsə, İngiltərəninki 3,9%-ni təşkil edir. Dünya dövlətlərinin xarici valyutada olan yığımlarında ABŞ dollarının payı 63%-i ötürsə, İngiltərə funtunun bu ehtiyatlarda payı 3,8%-dir. Göründüyü kimi, rəqəmlər müqayisə ediləcək səviyyədə deyil”.
İqtisadçı Azərbaycan manatının da yaranmış bu panik vəziyyətə bir neçə gün “qıcıq” göstərib, sonradan tam sakitləşəcəyini qeyd edib.
Qeyd edək ki, iyunun 23-də keçirilən referendumda britaniyalılar səs çoxluğu ilə krallığın Avropa İttifaqının tərkibindən çıxmasına səs verib.
pia.az
Digərxəbərlər
Populyar xəbərlər
