Nazirlər Kabineti tərəfindən bu il üçün dövlət sifarişli yerlərin sayı və ixtisaslar müəyyənləşdirilib və bu haqda qərar Dövlət İmtahan Mərkəzinə daxil olub
Bunu Dövlət İmtahan Mərkəzinin Direktorlar Şurasının sədri Məleykə Abbaszadə AZTV-də yayımlanan “Günün nəbzi” proqramında deyib.
M.Abbaszadə bildirib ki, özəl ali məktəblərin vakant yerlərinin sayı barədə isə hələlik qərar verilməyib.
DİM sədri qeyd edib ki, bu il ümumi yerlərin sayı dəyişməyib: “Ola bilsin ki, yerlərin ümumi sayı dəyişməsə də, bəzi ixtisaslar üzrə dövlət sifarişli yerlərin sayındə fərq olsun. Hazırda iqtisadiyyatda tələb olunan mütəxəssislərin hazırlanması üçün müəyyən ixtisaslar üzrə dövlət sifarişli yerlərin sayı çoxala bilər. Bəzi ixtisaslar üzrə isə dövlət sifarişli yerlərin sayının azaldılması mümkündür. Bu qərarı Nazirlər Kabineti verir və Dövlət İmtahan Mərkəzi yerinə yetirir”.
pia.az