Dərmanların qiymətinin tənzimlənməsi prosesi iyunun sonunadək başa çatacaq
Qiymətlərin tənzimlənməsi dövlət qeydiyyatında olan bütün dərmanlara şamil olunacaq.
Səhiyyə nazirinin müavini Elsəvər Ağayev "Xəzər Xəbər"ə açıqlamasında gələn ay Tarif Şurasının bununla bağlı qərar verəcəyini deyib. Onun sözlərinə görə, qiymət tənzimlənməsi ölkədə rəsmi qeydiyyatdan keçmiş 11 minə yaxın dərmana şamil ediləcək.
Tarif Şurası katibinin müavini Ceyhun Nəcəfov da dərman vasitələrinin vahid qiymətə satışının təşkili prosesinin tamamlanmaq üzrə olduğunu təsdiqləyib.
Dərman vasitələrinin qiymətləri tarif şurası tərəfindən tənzimləndikdən sonra dərman bazarında ucuzlaşma daha kəskin şəkildə hiss olunacaq.
Dərman vasitəsinin Tarif Şurasının təsdiq etdiyi qiymətdən fərqli satışı müşahidə olunduqda isə istehlakçı 195-3 çağrı mərkəzi və ya 498 15 01/ 498 15 04 nömrələri ilə əlaqə saxlaya bilər.
pia.az
Digərxəbərlər
Populyar xəbərlər
