Yeni Azərbaycan Partiyasını təmsil edən deputatlar - YAP icra katibinin müavini, Milli Məclisin deputatı Siyavuş Novruzov, YAP İdarə Heyətinin üzvü, Milli Məclisin Aqrar siyasət komitəsinin sədri Eldar İbrahimov, YAP Nəsimi rayon təşkilatının sədri, Milli Məclisin deputatı Məlahət İbrahimqızı Ankarada müalicə olunan yaralı Azərbaycan əsgərlərini ziyarət ediblər
Əsgərlər qeyd ediblər ki, onların müalicəsi ilə bağlı bütün şərait yaradılıb və bundan sonra da Vətənin müdafiəsi üçün döyüşməyə hazırdırlar. “Mübarizə hələ qarşıdadır” deyən Ədalət Məmmədov bildirib ki, düşmənin xain hücumu nəticəsində bir neçə hərbiçimizin şəhid olması və yaralanması Azərbaycan əsgərlərinin düşmənə qarşı mübarizə əzmini daha da artırıb.
Sovet İttifaqı Qəhrəmanı Qəzənfər Əkbərovun nəvəsi Elvin Əsgərov torpaqların müdafiəsi zamanı əsgər yoldaşlarının göstərdikləri qəhrəmanlıqları ömrünün sonunadək qürurla xatırlayacağını və Azərbaycan döyüşçülərindəki ruh yüksəkliyini düşmən üçün hər zaman sarsıdıcı olduğunu bildirib.
Vətənin ərazi bütövlüyü uğrunda döyüşməyin şərəfli vəzifə olduğunu bildirən Sərxan Tahirzadə göstərilən diqqət və qayğını Azərbaycan dövlətinin onların timsalında bütün hərbi qulluqçulara olan yüksək münasibəti kimi dəyərləndirib.
AzərTAc xatırladır ki, təcavüzkar Ermənistanın hərbi birləşmələrinin hücumları zamanı yaralanmış Azərbaycan Silahlı Qüvvələrinin üç əsgəri - Ədalət Məmmədov, Elvin Əsgərov və Sərxan Tahirzadə avqustun 9-da təyyarə ilə Türkiyəyə müalicəyə gətiriliblər.
Digərxəbərlər
Populyar xəbərlər
