Deputat Ceyhun Osmanlının anası Xuraman Osmanova hər müəllimdən 100 manat tələb edib
Bakının Nərimanov rayonunda Pişəvəri adına Respublika Humanitar Fənlər Gimnaziyasının rəhbəri olan deputatın valideyni qanunsuz xərac toplayıb.
Bunu gimnaziyada təhsil alan valideynlərdən biri iddia edib.
Valideyn moderator.az-a bildirib ki, X.Osmanova gimnaziyada təşkil olunmuş Valideyn Komitəsinin toplantısında bəyanat verib. Deyib ki, hansı şagird müəllimə pul versə, gimnaziyadan çıxarılacaq. Sonra müəllimlərə tapşırıb ki, hər biri direktora 100, müavinlərə 50 manat verməlidir. Müəllimlər məcburiyyət qarşısında qalaraq hər şagirddən 20-50 manat arası yığıb və direktorun haqqını çatdırıblar.
Valideynlər təhsil naziri Mikayıl Cabbarovdan tədbir görməsini xahiş ediblər. Nazirin əmri ilə X.Osmanova ötən ay direktor təyin olunub. Onun müəllimlərdən pul tələb etməsinə dair məlumatlar bir neçə gün əvvəl bəzi KİV-lərdə yer alsa da, sonradan çıxarılıb.
pia.az