"Yeni Müsavat" qəzetinin redaksiyasına Bakıdakı şosselərin birində bahalı avtomobillərin yarışının əks olunduğu videoçarx göndərilib
Videoda avtomobillərin çox sürətlə hərəkət etdiyi görünür. Hətta bəzi vaxtlarda sürət saatda 260 kilometrə qədər çatır.
Videonu redaksiyaya göndərən oxucu iddia edir ki, videoda dövlət nömrə nişanı (10-AZ-458) aydın şəkildə görünən "Mercedes S Class" avtomobili nəqliyyat naziri Ziya Məmmədovun deputat qardaşı Elton Məmmədovun oğlu Elnura məxsusdur.
Qeyd edək ki, video YouTube portalına ötən ilin noyabrında yüklənib.
İki gün əvvəl Elton Məmmədovun digər oğlu - Aynar Məmmədovun da “avtoş”luq görüntüləri yayılmışdı. Lakin nəqliyyat nazirinin qardaşı həmin avtomobilin onun oğluna məxsus olmadığını bildirmişdi.(virtualaz.org)