Qaxda ölümlə nəticələnən yol qəzası baş verib
Yevlax-Zaqatala-Gürcüstan sərhəd magistral yolunun 99-cu kilometrliyində qeydə alınan qəzada “VAZ 21063” və “Opel Vectra ” markalı minik avtomobilləri qarşı-qarşıya toqquşub.
Zərbənin təsirindən "Vaz"ın sürücüsü Qaxın Oncallı kənd sakini, Xanlar Məmmədov aldığı ağır xəsarətlərdən hadisə yerində dünyasını dəyişib. Digər avtomobilin sürücüsü rayonun Zəyəm kənd sakini İlkin Gülməmmədov müxtəlif bədən xəsarətləri ilə Qax Mərkəzi Rayon Xəstəxanasına çatdırılıb. Onun vəziyyəti orta-ağır qiymətləndirilir.
Faktla bağlı Baş Dövlət Yol Polisi İdarəsində təhqiqat başlanılıb.
pia.az