İDC şirkətinin analitikləri daşınan elektronika sahəsinin gələcəyinə dair proqnozunu açıqlayıb
Lent.az-ın “ixbt.com” saytına istinadən verdiyi məlumata görə, bu ilin nəticələrinə əsasən bazara adıçəkilən seqmentdən 125,5 milyon ədəd cihaz çıxarılacaq. Bu da 20,4 faiz artım deməkdir.
Analitiklərin fikrincə, 2021-ci ilə qədər daşınan elektronika bazarı təxminən iki dəfə artacaq və 240,1 milyon ədəd cihaza çatacaq. Onlar hesab edirlər ki, “ağıllı” saatlar fəallıq trekerlərini artıq bu il qabaqlayacaq. Əgər ikincilər (trekerlər) 47,6 milyon cihaz olacaqsa, birincilər (“ağıllı” saatlar) 71,4 milyon ədəd olacaq ki, bu da bazarın 56,9 faizinə uyğundur. Burada qeyd etmək lazımdır ki, mənbə birinci kateqoriyaya şəxsi əməliyyat sistemi olmayan və kənar əlavələri işə sala bilməyən cihazları da aid edir. İkinci kateqoriyaya isə ancaq “ağıllı” qolbaqlar aid olunur.
Necə olursa olsun, ilin nəticələrinə əsasən üçüncü yerdə 2,6 faiz payla “ağıllı” geyimlər, sonuncu yerdə isə 1,3 faiz payla “ağıllı” qulaqcıqlar və qarniturlar yerləşəcək.
2021-ci ildə isə bazar belə formalaşaq: “Ağıllı” saatlar 67 faiz, “ağıllı” qolbaqlar 21,7 faiz, “ağıllı” geyimlər 9 faiz və “ağıllı” qulaqcıq və qarniturlar isə 1,7 faiz.
pia.az