Afaq Şıxlıdan Mövlud üçün
“Darıxsan səng elə”
Darıxanda zəng elə,
Səbəb oldu, olmadı.
Dolub-boşaldı ürək,
Sənin yerin dolmadı!
Yazıq sən uçan bina
Donub qaldı yerində.
O gündən yoxdu adın
Evsizlər dəftərində.
Yazmadığın kitab da
Kölgəsini sürüyür...
Dərd böyüdür oğlunu -
Uşaqlar tez böyüyür.
Hələ istidi yerin,
Arada bir güman var,
Bir gün üşüyəcəklər
Səndən tez soyuyanlar.
Bir də, unutdum deyəm,
Borcların da silindi.
Daha azadsan yəqin,
Öz başın, öz əlindi.
Xəbər almaq istəsən
Mən də ki, elə-belə...
Darıxıram, bilirsən,
Arada-bir zəng elə!(kulis)
pia.az