Müğənni Damlanın 20 Yanvar günü Şəhidlər Xiyabanına gedərək, oradan foto paylaşması birmənalı qarşılanmayıb
O, özünü reklam etməkdə təqsirləndirilib. Hətta, ifaçının xiyabanda fotosunu çəkmək üçün fotoqraf da dəvət etdiyi iddia olunub.
Musavat.com məsələ ilə bağlı Damla ilə əlaqə saxlayıb. O, saytımıza açıqlamasında bildirib ki, haqqında səsləndirilən ittihamlar əsassızdır: “Şəhidləri ziyarət etmək hər bir vətəndaşın borcudur. Mən də vətənimin bir qızı kimi bizi qorumuş, azadlığımız üçün canından keçməyi gözə almış şəhidlərimizi ziyarət etməyi özümə borc bildim. Mən də bu torpağın bir qızıyam, düşmən deyiləm. Allah hər kəsin ürəyini gözəl bilir. O hər şeyi görəndir. Biz ictimai insanıq, gözəl işlərimizlə örnək olmalıyıq. Xiyabanı ziyarət etdim, bunu da izləyicilərimlə bölüşdüm. Bunun nəyi pisdir? Burada reklam hanı? İnsanların daha humanist və sevgi dolu olmasını istəyirəm. Mənasız ittihamlar sadəcə ürək bulandırır”.
pia.az