Qarabağ savaşının daha bir əfsanəvi komandiri dünyasını dəyişdi
PİA.AZ-ın Bizimyol.info-ya istinadən məlumatına görə, Qarabağ savaşında 814 saylı Füzuli özünümüdafiə batalyonunun komandiri Mobil Yusifov ötən gün vəfat edib.
O, Bakıda şadlıq evlərinin birində keçirilən toy mərasimində iştirak edib. Elə toy zamanı foyedə oturan komandir dünyasını dəyişib. Saytın yazdığına görə, maraqlısı ondadır ki, dünyasını dəyişən şəxs öləcəyini toya gəlməmişdən əvvəl yaxınlarına söyləyib. Ona məclisə qatılmamağı məsləhət görüblər, lakin buna məhəl qoymayıb.
Qeyd edək ki, Mobil Yusifov 13 dekabr 1955-ci ildə Füzuli rayonunun Gecəgözlü kəndində anadan olub. 1991-ci ildən Azərbaycan Silahlı Qüvvələrində hərbi xidmətdə olub. 2014-cü ildə Silahlı Qüvvələrdən ehtiyata tərxis olunub.
pia.az