“Rosselxoznadzor” karantin alaq otu – küskütotunun toxumları ilə yoluxdurulmuş 21 ton qıcqırdılmış tütünün Azərbaycandan Dağıstan ərazisinə idxalının qarşısını alıb
Virtualaz.org bildirir ki, bu barədə “Rosselxoznadzor”un Dağıstan Respublikası üzrə idarəsinin mətbuat xidməti məlumat yayıb.
Mətbuat xidmətinin məlumatına görə, idarənin mütəxəssisləri Rusiya-Azərbaycan sərhədindəki "Yaraq-Kazmalyar" buraxılış məntəqəsində tütün partiyasını saxlayıblar. Məhsul tütündə küskütotu toxumlarının mövcudluğu barədə Bitkilərin Karantininin Ümumrusiya Mərkəzi Dağıstan filialının verdiyi rəy əsasında saxlanılıb.
Yükün sahibi "Bitkilərin karantini haqqında" qanunu pozan şəxs kimi tanınıb və o, Rusiya Federasiyasının müvafiq qanunvericilik aktlarına əsasən inzibati məsuliyyətə cəlb olunub.
Xatırladaq ki, karantin məhsullarının Rusiya Federasiyasının ərazisinə idxalı qadağan edilib.
pia.az
Digərxəbərlər
Populyar xəbərlər
