Çinin kiberməkan üzrə dövlət administrasiyası “Tencent” internet şirkətinə qarşı milli təhlükəsizliyə təhdid səbəbi ilə təhqiqata başlayıb
“Tencent” “WeChat” messenceri , “Weibo” mikrobloqu və “Baidu” forumu kimi populyar saytlara sahibdir.
Lent.az-ın TJ portalına istinadən verdiyi məlumata görə, bu saytlar qanunazidd kontentləri, o cümlədən ekstremist və pornoqrafik məzmunlu paylaşımları, eləcə də ölkə və partiya rəhbərliyi haqqında şayiələri, Çin tarixinə dair yanlış məlumatları silməməkdə günahlandırılır. Hər üç xidmət bu sahədə hakimiyyət orqanları ilə əməkdaşlıq etməyə hazır olduğunu açıqlayıb.
Qeyd edək ki, bu, Çində internet üzərində senzuranın gücləndirilməsinə dair ilk informasiya deyil. İyulun 18-də ölkədə “WhatsApp” messenceri qismən blok edilib. Bundan başqa, hakimiyyət orqanlarının qadağan olunmuş saytları açmağa imkan verən VPN xidmətlərini də blok etməyə hazırlaşdığı haqda xəbər yayılıb.
Xatırladaq ki, payızda Çin Kommunist Partiyasının növbəti qurultayı keçiriləcək.
pia.az