Hüquq müdafiəçiləri onun 40 mindən çox insanın qətlində günahkar olduğunu bildirib
Afrika qitəsinin mərkəzində yerləşən Çad Respublikasına 1982-1990-cı illərdə rəhbərlik etmiş Hissen Habre Seneqalda fəaliyyət göstərən xüsusi tribunalın hökmünə əsasən ömürlük həbsə məhkum edilib.
Musavat.com xarici mediaya istinadla xəbər verir ki, beynəlxalq tribunal keçmiş diktatoru bəşəriyyət əleyhinə qarşı törədilən ittihamla bağlı ən ağır cəzaya məruz qoyub. Məhkəmə Hissen Habrenin hakimiyyət illərində bir çox siyasi opponentlərinin qətlində günahkar olduğunu müəyyən edib.
Hüquq müdafiəçilirinin fikrincə, qanlı diktator ən azı 40 min insanın qətlində məsuliyyət daşıyır. Bir çoxları onu hətta “Afrika Pinoçeti” belə adlandırır.
Hissen Habre haqqında ünvanlanan bütün ittihamları rədd edib. Onun yüksək instansiyaya şikayət etməsi üçün 15 gün vaxtı vardır.
pia.az