Son zamanlar Bakı şəhərində keçidlərdən istifadə etməyən vətəndaşları polisin cərimələməsi halları artıb. Vətəndaşlar keçidlərdən istifadə etməmələrini müxtəlif səbəblərlə izah edirlər.
PİA.AZ Axar.az-a istinadən xəbər verir ki, çəkiliş apardığımız Nizami kinoteatrının qarşısındakı keçidin girişində 5 polis əməkdaşı dayanıb keçidlərdən istifadə etməyən vətəndaşları cərimələyir.
Qeyd edilən ərazidə olduğumuz təxminən 1 saat ərzində dəfələrlə qarşılaşdığımız maraqlı fakt ondan ibarətdir ki, polis əməkdaşları qaydaları pozan xarici vətəndaşlara cərimə tətbiq etmədən onları azad etdi.
Qanunvericiliyə görə keçidlərdən istifadə etməyən piyadalar İnzibati Xətalar Məcəlləsinin 153.1.1 maddəsi ilə 20 manat məbləğində cərimə edilirlər. İşsiz vətəndaşlara 20 faiz güzəşt edilir. İlk 3 gündə cəriməni ödəyən şəxsə isə daha 10 faiz güzəşt tətbiq edilir.
Digərxəbərlər
Populyar xəbərlər
